Mundartbeitrag von:

Affengruber Franz    -

afra1@gmx.at

Prosit Neujahr

Wås wünscht ma´ si´ für´s neichi Jåhr?
Fia an Glåtzert´n a Schüberl Håår?
Fia an Traurig´n a Spur va Freud´?
Fia an Freigiebig´n a bisserl Neid?
Fia an Zåhnlos´n neichi Zähnd?
Fia an Årmen an Hauffa Cent?
Dass si´ a Gläubiger niemåls irrt,
wånn eahm sei´ Gläubiger ruiniert?
Fia die Årbeitslos´n Jobs?
Und fia uns? Ah i håb´s!
Dass ma´ in an Jåhr ållesåmt
nu g´sund san und a ba Verstånd,
a wånn ålle Wünsch´ net in Erfüllung geh´n,
"Prosit 2011", wånn ma´ uns dånn seh´n!