Mundartbeitrag von:

Kiemayer Veronika    -

v.kiemayer@aon.at

Da Foschingsnorr

Oft wär i gern a Foschingsnorr,
a Harlekin, a Kasperl oder a Clown.
Daun wär oans für mi gaunz klor,
es kunnt koana hinta mei Maskn schaun.

I zoagat da Wölt a lochendes G´sicht,
kunnt den gaunzen Tog laung fröhlich sein,
denn Tränen interessiern jo d´Menschen nicht,
de schliaßert i fest im Herzen ein.

I kunnt noch so vül Dingen frogn,
müaßert mir nix dabei denka,
kunnt Maunchen beinhort d´Wohrheit sogn
und tat trotzdem koan Menschen kränka.

I kunnt d´Politiker auf d´Schaufl nehma,
auf ihre Föhler aufmerksaum mochn,
dass wir leere Versprechungen sehr wohl erkennan
und d`Leut, de taten lochn.

Denn für an Clown is olls erlaubt,
der dearf sogn und denka, wos er wül,
ma nimmt´s jo net ernst, wos er behaupt´,
is jo olles nur a Norrenspül!

Ober trotzdem tua I mi oft frogn:
Sans net grod Norrn, de d´Wohrheit sogn?