Mundartbeitrag von:
Mayr Florian -
4300 St. Valentin
joe.gutzelnig@liwest.at
Alle Mundartautoren
Mundart-Datenbank |
De 3 Âffn (Hearnix, Siachnix, Sâgnix) oder Zivükurasch
Da ih und da er
und no irgendwer -
wir dengan net vü
und hâm a ka Zü.
Da ih und da er
und no irgendwer -
gânz gleich wâs wer wü,
wir hearn nix, san stü.
Da ih und da er
und no irgendwer -
wir hâm ka Profü
und schau’n weg bam Drü.
Da ih und da er
und no irgendwer -
jâ s’Lebm is a Spü,
wia Reg’n im Aprü.
Da ih und da er
und no irgendwer -
wir zag’n so vü Gfüh,
wia d’Nükrokodü.
Da ih und da er
und no irgendwer –
wir red’n liaba Mü,
Kurasch is uns zvü.
|
