Mundartbeitrag von:

Steininger Fred    -
D-90489 Nürnberg
fred.steininger@t-online.de

Wiag´nliad

Mei´Bua, was immer a´h aus dir werd´,
se´h steh´n mit Knüpp´ln bereit, scho´jetzt
Denn für di´h mei´Bua, is´a´f derer Erd´
nur der Schuttplatz da und der is´ a scho´ besetzt.

Mei´ Bua, lass ´s dir vo´deiner Muada sag´n,
auf di´h wart´ a Leb´n, schlimmer wia d´Pest.
Aber i´h hab´ di´h net dazua austrag´n,
daß du dir dös all´s ruhig g´falln lässt.

Wos du net hast, des gib net verlor´n,
wos sie dir net geb´n, schau zua ,daß du´s kriegst.
I´h, dei´ Muada, i´h hab di´h net gebor´n,
daß du einst des Nachts unter´m Brück´nbog´n liegst.

Vielleicht bist du net aus b´sonderem Stoff,
i´h hab net viel Geld für dich, nur a Gebet
und i´h bau´auf dich alloa, wenn i´h hoff´,
daß du net auf´m Arbeitsamt lungerst und dei´Zeit vergeht.

Wenn i´h schlaflos Nachts neb´n dir lieg´,
fühl´i´h oft nach deiner kloan Faust.
Sicher, sie planen mit dir jetzt scho´ Krieg -
Was soll i´h nur mach´n, daß du net ihr´n dreckigen Lügen traust?

Dei´ Muada, mei Bua, hat di´h net betrog´n,
daß du was ganz B´sonder´s seist.
Aber sie hat di´h a net mit Kummer aufzog´n,
daß du einst im Stach´ldraht hängst und nach Wasser schreist.

Mei´ Bua, d´rum halt di´h an deinesgleich´n,
damit ihr Macht wia a Staub zerstiebt.
Du, mei´Bua, und i´h und alle unsresgleichen
müass´n z´ammeasteh´n und müass´n erreichen,
daß auf derer Welt net mehr zweierlei Menschen gibt.