Mundartbeitrag von:

Kavlik Ernst    -
1080 Wien

Dea Schleichweg

Mia miassn mitn Auto foahn,
duach d gaunze Stodt, es is a Schmoan.
Do sogt de Frau, o je do schau,
mia samma mittn in an Stau.
Und so vazweifet wia i woa,
suach i an Schleichweg, is jo kloa.
Do vuan, do rechts, de Gossn do,
waunn ma duat san biag ma o.
Jetzt san ma in da Gossn drinnan,
de Foaht kaun ungestöhat beginnan.
So foahn ma hoit do so entlaung,
sche laungsaum wiad ma Aungst und Baung.
Denn iagandwie, a Eigenoat,
mi wundats dass do kana foaht.
I glaub jetzt san ma aufm Laund,
weu auf da Strossen gibs nua Saund.
Sog i zua Frau, glei san ma zhaus,
i schau sie au, nau bleich schauts aus.
Mei Idee woa zwoa net schlecht,
do iagendwie i was net recht.
Es woa zwoa duatn ka Vakeha,
nua haum ma braucht drei Stundn meha.