Mundartbeitrag von:
Steininger Fred -
D-90489 Nürnberg
fred.steininger@t-online.de
Alle Mundartautoren
Mundart-Datenbank |
Mei´ Goldkäfer
Mei´ jung´s Herz woar off´n.-
Wia´s manchmal si´gibt,
i´h hab di´ kaum troff´n,
scho´woar i´h verliebt.
Gfoin hast ma glei´vo´weit´n
mit deini achtzehn Jahr
und glanzt hab´m wia Seid´n
deine goldblond´n Hoar.
I´h hab´s zärtli´h g´streichlt
und Goldkäferl g´sagt,
an Spoaß g´macht und g´schmeichlt
und g´sunga und g´lacht.
Und s´ Gold in die Haar is´ verganga,
a die Silber´n san schö´
und d´ Liab und s´ Verlanga
des bleibt no´h besteh´.
D´ Kerschbam verblia,
d´ Blatt´l fall´n ro;
d´Herz´n verglia
und der Alltog geht oh.
Mir ham se oft z´ammg´setzt
und aneinand´ g´rieb´n,
s´ Gold hat si´h ab´gwetzt´,
doch s´ Käferl is´ blieb´n.
|
