Mundartbeitrag von:
Pogotz Roswitha -
4690 Rüstorf
r.pogotz@aon.at
Alle Mundartautoren
Mundart-Datenbank |
DMonna und de Technik
DMonna und de Technik des is a so a Soch
de oan kennan se recht guad aus
de andan denkan vü zweng noch
wias geht kriagns erst beim zehntn Moi raus
Auswärts wanns wos tan des geht wia gschmiarrt
dahoam ois langsam oda goar ned passiert
des woar a so bei oan vo nebenan
mei der hod se dahoam angstöht der guade Mann
Woillt a hobn a neiche Glostiar gschwind
einbaut is de so schnö wia da Wind
owa leida is nix worn drauss
zschnö ums Eck, des Glos is hin, ohh Graus
Bestöht wird nu amoi a Glos
beim Aufstöhn dann, jo wos is dos
do mochts a so an södsamen Knacks
de Scherbn liengan do schnurstracks
Wia de Tiar dann beim drittn moi is wos hingheart
denkt a se, des streicha waa ned vakehrt
de Dosn auf, den Pinsl gricht
mitn Fuass a murds Malhör angricht
De Foarb rinnt üwa de neichn Fliesn sche
de Wut kann ma jetzt scho vasteh
lästig, grantig mit an rotn Kopf
hoid a an grossn Wossatopf
Wia dFrau dann a nu kummt hoam
Tat de am liaban woan
wiar a wos dahoam hod zum Tuan
geht des nia ohne Zorn und Murrn
Owa Monna glaubts mas,
egal wia bleds eich anstödts dahoam
a richtige Frau hod oiwei wos fiar eich zum Tuan
|
