Mundartbeitrag von:

Steininger Fred    -
D-90489 Nürnberg
fred.steininger@t-online.de

D´ Lebensbeicht´

Da´ Bau´r, der steht am Sterbebett
vo´ seiner liab´n Frau.
Da sagt´s zu eahm: " Mei´guada Moh,
i´h sag dir iazt was, schau!
Iatzt, wo´s mit mir af´s End zua geht,
da muaß no´h schnö was raus!"
"Geh" sagt der Bau´r: "Halt´s net z´ruck
und spuck´s hoit schnö no´h aus!"
"Ja Hansl", sagt die Bäueri´
"wia soi i´h dir dös sag´n?
I´h hab mi´h vor dir schuldi´ g´macht...
Kurz, i´h hab d´e betrog´n!"
Da Bau´r schaut grad wia sei´ Kaibl,
so g´stocha und so bled
und dann fraogt er die Bäuri´
ob´s mit ihr no´h guat steht.
" Ja, freili´h, Moh, des derfst ma glaub´m!
Wia i´h mi´h da schenier!
Vo´ unser´n Dutzend Kinder, dou
is´net jed´s vo´ dir!"
Da schappt da Bau´r scho´recht nach Luft
und sagt:" Iatzt is´ma kloar!
Da oa Bua, mit d´e krumma Füaß
und d´e rot´n Hoar,
is´anders wia die ander´n elf,
dös is´a and´rer Schlag!
Die ander´n brav und der so frech
mit sein saudumma G´sag!
Der hot an groß´n Waossakopf,
dazua a ganz schief´s Maul,
haot Plottfüaß wia aa Weihergans
und Zähn´ wia vo´an Gaul.
Und Ohr´n, wia a´f an Seg´lschiff,
mei´schaut der Bua verweg´n!
Mua dem sei´ Vadda grausli´h sei´!
Denn möcht i´h oamal seg´n!"
Da sagt die Bäurin zua ihr´m Moh:
"Du, sag nix gegern Rainer!"
S´e schluckt und schluchtzt no´h leicht dazua:
"Graod der Bua... DES IS´ DEINER!!!"