Mundartbeitrag von:

Kreuzwieser Hannes    -
4600 Wels
hannes.kreuzwieser@aon.at

Hoagåchtnbäng

Solaung i mi erinnat,
solaung ih zruckdeng,
steht vor unsan Haus
a Hoagåchtnbäng.

Da Gruawa-Schneida da oid,
der is schau draf gsess’n,
und da oid Hofer Fraunz
håt a net draf vagess’n.

Waun d’ Oawat woa dau,
und g’jausnt woa a,
daun håt ma si hi’gsitzt,
ois waun goa nix war.

Af d' Hoagåchtnbäng
jå mit an Kruag Most,
håt d’Gegnd augschaut
und håt a wenig glost.

Und heit sitzn mir då,
mei Linschal und ih
schaun an Ballon nå
und ratschn dahi’.