Mundartbeitrag von:

Pogotz Roswitha    -
4690 Rüstorf
r.pogotz@aon.at

Es schneibt a weng

Es schneibt a weng
bis Weihnochtn wird´s scho eng
A jed´s Prospekt wos fliagt ins Haus
zoagt Gschenke in Saus uns Praus

Worum muaß ma se wos schenga?
Das ma zoagt ih tua an an jedn denga?

Waas ned bessa,
ma denkt an de wichtign Leit,
ned netta zur besinnlichn Zeit.
A jeda hätt dann zu Weihnochtn
fiar wirkli wichtige Dinge Zeit.

Gmiatli mocha und entspannen,
beim Kerznliacht sitzn ganz vasonnen
glücklich und zufrieden sein,
des geht in a jeds Herz rein