Mundartbeitrag von:

Adelsmair Ingrid    -
4600 Schleißheim
ingrid.adelsmair@inode.at

Weihnacht`n heut

Mein Text ...

In da Stadt scho geht da Wirbel los,
es rennan d`Leit, ob kloan, ob groß
vo G`schäft zu G`schäft und kauf`m, kauf`m -
so mancher Lad`n is überlauf`m.
Koan Parkplatz find`t ma weit und breit
ma merkt grad nix vo Weihnachtszeit.

Dahoam is a net anders, schau -
es backt und putzt a jede Frau,
glanz`n muaß des ganze Haus,
sonst schaut`s ja net nach Weihnacht`aus.
Am Schiurlaub wird a scho dacht`,
die letzt`n Handgriff werd`n nu g`macht.
Ma is gestreßt, es kummt oan vor -
nia is so trawig s`ganze Jahr!

Da denk i mir im Herz`n drinn`:
Is des der "wahre Weihnachtssinn"?
Wann jeder rennt und kauft und putzt,
ob des dem Christkind etwas nutzt?
Da Wohlstand hat`s mit sich gebracht
er is hoit, der den Wirbel macht.

Sofort, wann wer an Weihnacht denkt
kummt`s eahm in Sinn - Was kriag i g`schenkt?
Was soll i schenk`n, jessas was?
Und d`Rennerei geht wieder los.
A jedes Jahr der selbe Tanz,
den Herrgott drob`m vergißt ma ganz.
Net immer an sich selber denk`n
und eahm a paar Gedank`n schenk`n!