Mundartbeitrag von:

Steininger Fred    -
D-90489 Nurnberg
fred.steininger@t-online.de

Mei´ Weihnachtswunsch

I´h wünschat mir in dies´m Jahr
mal Weihnacht´n wias früher war.
Koa Renna zur Bescherung hin,
koa Schenk´n ohne Sinn.

I´h wünsch mir a koa teure Sach´
aus der i´h mir do´h gar nix mach´.
I´h möcht doch nur a kloans Stück
vom verlorna Weihnachtszauber z´rück.

Dazua frostklirrend d´Helige Nacht,
die frischer Schnee winterli´h macht
und leuchtender als sonst d´e Stern:
So hätt ich´s zur Bescherung gern.

A´h s´ Leut´n unzähliger Glock´n,
d´e um Mitternacht zur Mett´n lock´n.
Voi Freud ang´füllt alle Herz´n,
Kinderglück im Schein der Kerz´n.

Könnt´diese Nacht g´weiht doch sein!
Net überlad´n mit Wohlstand - eher klein!
Dann hört man wieder unter allem Klinga
vielleicht dann wieder d´ Eng´l singa.

Ach, ich wünschat mir in dies´m Jahr
Weihnacht´n wias früher war.
Es war amol, so lang is´ gar net her,
für uns so weng, so viel mehr....