Mundartbeitrag von:
Steininger Fred -
D-90489 Nürnberg
fred.steininger@t-online.de
Alle Mundartautoren
Mundart-Datenbank |
Des is´ Weihnacht´n
Durch d´Stadt hetz´n
Und in letzter Minut´n
G´schenke kauf´m für Leut
d´e sowiso scho´oiß hab´m.
I´s dös Weihnacht´n?
"Oh du fröhliche" aus´m Lautsprecha,
Girland´n in da Fußgängerzone.
Weihnachtsmänna an oille Eck´n,
lebendige und solchane aus Schokolad.
Is´dös Weihnacht´n?
Werbeg´schenke werd´n verteilt,
auf´s Weihnachtsgeld wird g´wart
nach Teneriffa g´flog´n
und "Oh Tannenbaum" unter Palmen g´sunga.
Is´dös Weihnacht´n?
Aba wenn´s im ganz´n Haus schmeckt,
nach Zimt, nach Kuacha und ausblasene Kerz´n
und wenn d´e Kinda Weihnachtsliada spiel´n,
a´h wenn´s a bißl falsch is´.
Dös is´Weihnacht´n!
Wenn in da Kirch´ "Stille Nacht" g´sunga wird,
daß da ganz feierlich z´muat wird
und d´e erst´n Schneeflock´n fall´n
grad wennst aus da Kirch´ kummst.
Dös is´ Weihnacht´n!
Wenn du woaßt, daß dir guat geht
und deina Famillie a´h
und wennst da a´h net auf die ander´n vergisst,
denen s´net so guat geht wia dir.
Dös is´Weihnacht´n.
|
