Mundartbeitrag von:
Adelsmair Ingrid -
4600 Schleißheim
ingrid.adelsmair@inode.at
Alle Mundartautoren
Mundart-Datenbank |
S`Wassa
S`Wassa rinnt oba
so klar und so hell.
Von da Erd`n kummt`s außa,
entspringt als a Quell`.
Die Bachal und Flüss` nährts,
die Ström` und die Seen.
Es kennt koane Grenz`n,
bleibt nirgendwo stehn.
Die Tiere und Pflanz`n,
sie kunnt`n net leb`m
tat eahna vo ob`m neahmd
des Reg`nwassa geb`m.
Da Mensch braucht des Wassa
vo`da Fruah bis auf d`Nacht.
Sogar bei da Tauf scho
wird die Seel sauba g`macht.
Und a Unglück kann`s bringa,
überschwemmt Flur und Wald.
Do d`Sunn kummt glei wieda
und trocknet all`s bald.
Drum acht a bissl auf`s Wassa,
was da rinnt klar und rein.
Betracht`s als G`schenk von da ob`m
und denk, es kunnt s`Letzte sein!
|
