Mundartbeitrag von:
Zehetner August -
4053 Haid b. Ansfelden
oe5azg@lycos.at
Alle Mundartautoren
Mundart-Datenbank |
SCHNEEFLOCK'N TANZ'N
Schneeflock'n tanz'n.
Wia silberne Stern
fall'ns aba van Himmel
und leg'n se auf d'Erd'n.
Felda und Wies'n,
de ganze Natur
wüll amol schlaf'n
und deckt se hiatzt zua.
War für de Mensch'n
halt a an da Zeit,
mitanand z'redn
ohne Zank'n und Streit.
Fried'n - is leide
a Wort nur alloan;
er kimmt net va selb'm,
muaß a jeda was toan.
Muaß oana dem andern
de Hand öfter geb'n
dann war's halt vü schena
in jed'n sein Leb'n.
Schneeflock'n tanz'n
ös leucht'n de Stern
a Singa hebt an
wia a Glock'n va fern.
Dö Herz'n wer'n woach
van härtesten Mann.
I glaub, es wird Zeit,
denn es weihnachtet schon.
|
