Mundartbeitrag von:
Hopf Angela -
4600 Wels
angela.hopf@gmx.at
Alle Mundartautoren
Mundart-Datenbank |
Da Sepp
Name frei erfunden
Sepp kann jeder sein
Sepp du Depp
so nennans in Buam,
in ehnare Augn
is er wirklih
a saublöde Ruabm.
Ois Kind hams gschaut,
dass ausn Sepperl was wird,
doh so wias ausschaut,
hat er gar nix kapiert.
Tag für Tag
drüllns in Sepp
auf Strenge und Härte,
wias gern gsehn wird
ohne menschliche Werte.
Steig drauf
auf den andern,
laß da nix gfalln
gib ehna Gas
und se werdn se varolln.
Mit da Ellbogntechnik
schaffst es frei
bis in de oberste Etage,
zoag ja koane Skrupel,
des war dei Blamage.
Red da fest ein
ois was tuast des is recht,
wanns da a in Magn umdraht
und bein Denga
wird da scho schlecht.
Unsa Sepp is anders!
Er is Mensch
mit Herz und mit Gfühl,
er bleibt wia er is
setzt sei Lebm
net aufs Spül.
Er lasst se net biagn
net um ois auf da Welt,
er bleibt wia er is
pfeift auf d`Etage
in Ruhm und des Geld.
Da Sepp is Weit mehr!
Er schafft was vül wolln
bringans aba net zwegn
bein Blick in sein Spüagel(Spiegel)
lacht ehm da Sepperl entgegn.
|
