Mundartbeitrag von:
Gantner Margit -
5741 Neukirchen
mgantner@aon.at
Alle Mundartautoren
Mundart-Datenbank |
Weihnachtskeks
Weihnachtskeks
A richteg guade Freindin håm, dös håt an Sinn
die geht mit dir durch dick und dünn
a so a Freindin hu i scho iwa dreißg Jåh
bi i fie sie und sie is fie mi oiwei då
d Edith wohnt an Boarn außt, leicht zan finden
Ringstråß 11a in Gernlindn
Niadn Weihnachtn schick’ ma ins mit da Post
a Kloanigkeit, gånz gleich wås Porto kost
Va Heschzn g’schenkt,
ma håt an onnan denkt
s letzt Jåh hu i mit an bissei schlechtn Gwissn
s Packei scho an 20. Dezember aufgrissn
a den rotn Papier mit die kloan Stern
is sicha a Buach – i les ja so gern
und aus an durchsichteng Plastikgschierl
eijbundn mit an broatn goidan Schnierl
leichtn Keks außa, i gibs zua, s wa a Malheur
bis Weihnachtn boatn, na, dia Keks miassn her
die Keks va da Edith hend weitaus die bestn
dia putz ma hiatz zåmm bis zan letztn
a bissei gwunnascht håts mi scho,
dösmoi håt sie sih nid so vü uudo
koa Schokolad, nix vaziascht
netta die Form, die is gschdiascht
mehr truckn hends, dia Keks, i muaß låchn
denk, hoija hu s erschtmoi i die bessan båchn
mei Månn koit und koit, brumöt „a komischer Gschmåch“
schwoabb gach a Hålbe Bier hintnåch
laa worn is die Dosn a gachjöngst decht
kunt nid sågn, dass i mehr davu mecht
an heileng Abend i s Büchei va da Freindin daglegn
a schöne Kåscht is aa dabei gwen
då steht: „Hoija woit i aa a dei Lucy denkn
und ihr gsunde Keksei schenkn
mit Feta, Öl, Soja und Möeh
muaßt amoi båchn, geht gonz schnöe…“
Und so håmb mia, dös werd i nia vagessn
Weihnachtn 2008 unsan Hund s Fuatta weggfressn…
Pinzgauer Mundart:
Boarn= Bayern
niadn= jeden
gschdiascht= nett zum Ansehen
schnöe= schnell
|
