Mundartbeitrag von:
Mayer Fritz -
4470 Enns
fr.mayer@gmail.com
Alle Mundartautoren
Mundart-Datenbank |
Da Summa is umma
Da Summa is uma
wird so schnell nimma kumma
a weng is’s scho frisch in da Fruah
de Vogerl san still wordn
de Tag werdn jetzt kürzer
schalt’s z’ruck sagt uns jetzt die Natur
De Bam hängan voll
und de Felder san laa
mehr Braun siacht ma wieder rundum
de Wiesen san feucht
a wenig friern tut ma leicht
am Badesee schwimman nur d’ Anterl herum
Alte Leit sitzen jetzt gern auf an Bankerl
suachn an Platz an da Sunn
sie gfrein sie auf’s Frühjahr
wann’s wieda warm wird
was i eana herzlich vagunn
So manch a warms Tagerl
wird’s wohl nu gebm
Der Oa oder Andre wird vielleicht denkn
wia oft wird i des nu erlebm?
|
